Ճի՞շտ է, որ հիմնականում տարեցներն են վարակվում ու հիվանդանում «օմիկրոնով»
ՀԱՍԱՐԱԿՈՒԹՅՈՒՆ
Aif.ru-ն գրում է, որ Ռոսպոտրեբնադզորը հայտնել է, որ «օմիկրոն»-ն այսօր կազմում է կորոնավիրուսային վարակի հարուցիչի բոլոր հայտնաբերված տարբերակների 72,5%-ը։ «Թվերն աճում են բոլոր տարիքային խմբերում՝ փոքր երեխաներից մինչև թոշակառուներ, բացառությամբ դպրոցականների, - ասել է գլխավոր պետական սանիտարական բժիշկ Աննա Պոպովան, -նշեմ, որ սովորելով օգտագործել բոլոր հնարավոր մեթոդներն ու մեթոդական գործիքները, չսահմանափակելով երեխաներին լրիվ ուսուցմամբ մենք հաջողությամբ անցնում ենք այս համաճարակային գործընթացը գործնականում առանց դպրոցականներին հեռակա ուսուցման ուղարկելու։ Բայց կա նաև մի բացասական գործոն, որը պետք է նշել. մենք նշում ենք հիվանդացության առավելագույն աճը 65 տարեկանից բարձր մեծահասակների շրջանում: Ստեղծված իրավիճակում նրանց չի հաջողվում փրկել կորոնավիրուսի հետ հանդիպումից»։
Ռոսպոտրեբնադզորի ղեկավարն ընդգծել է, որ նման իրավիճակում կարևոր է պահպանել կորոնավիրուսի թեստավորման բարձր ծածկույթը։ Դա թույլ է տալիս բացահայտել հիվանդացությունը բավականին վաղ փուլերում և տրամադրել բժշկական օգնություն մինչև հիվանդության ընթացքի ծանր ձևերի զարգացումը: Իսկ այսօր արդեն կան ռուսական թեստեր, որոնք որոշում են հենց «օմիկրոնը»չորս մուտացիաներով։ Իսկ Սանկտ Պետերբուրգում Պաստերի անվան գիտահետազոտական ինստիտուտը սկսել է մաշկային թեստի կլինիկական հետազոտություն, որը կորոշի մարդու իմունիտետի բոլոր մակարդակները նոր կորոնավիրուսային վարակի նկատմամբ և հնարավորություն կտա հստակ բացահայտել նրանց, ովքեր իմունիտետ ունեն և նրանց, ովքեր պետք է խթանեն իմունիտետը պատվաստումների միջոցով:
Նյութը հրապարակման պատրաստեց Կամո Խաչիկյանը
