Սերժ Սարգսյանը վոյաժների մեջ է. Սարգսյան-Ալիեւ սպասվող հանդիպումից առաջ իրավիճակը սրվում է
ԱՄԵՆԱԸՆԹԵՐՑՎԱԾ
Մեկ շաբաթ է, Սերժ Սարգսյանը վոյաժների մեջ է՝ Մոսկվա, Հունաստան, Կիպրոս, երեկ արդեն Բրյուսելում էր, որտեղ մասնակցում էր ԵԺԿ գագաթնաժողովին, իսկ մոտ օրերս կմեկնի ԱՄՆ՝ մասնակցելու միջուկային անվտանգության գագաթնաժողովին:
Դիվանագիտական շրջանակները հայտնում են, որ ԵԱՀԿ Մինսկի խմբի համանախագահ երկրները, առավելապես՝ ԱՄՆ-ը, ջանք չեն խնայում գագաթնաժողովի ընթացքում Սարգսյան-Ալիեւ հանդիպում կազմակերպելու համար:
Ադրբեջանական կողմը արդեն պաշտոնապես հայտնել է, որ Ալիեւը մասնակցելու է ԱՄՆ-ում սպասվող գագաթնաժողովին: Ի դեպ, Միացյալ Նահանգներում է լինելու նաեւ Թուրքիայի նախագահ Ռեջեփ Թայիփ Էրդողանը:
Թերեւս պատահական չէր, որ սպասվող այցին նախորդեց Սերժ Սարգսյանի այցը Մոսկվա:Նկատենք, որ Լեռնային Ղարաբաղի հիմնախնդրի շուրջ նման ձեւաչափով հանդիպումներից առաջ Սարգսյանը սովորաբար հանդիպում եւ որոշակի չշտումներ է անում Ռուսաստանի Դաշնաությաննախագահ Վլադիմիր Պուտինի հետ:
ԱՄՆ այցին ընդառաջ Ալիեւը երեկ ազատ է արձակել տասնյակ քաղբանտարկյալների, որոնց առկայությունն իրենց հերթին ԱՄՆ-Ադրբեջան հարաբերությունների սրման պատճառ էին դարձել:Սույն անսպասելի քայլով Ալիեւը թերեւս փորձում է ամրացնել իր դիրքերը ամերիկյան կարեւորհանդիպումներից առաջ:
Սահմանին հայկական կողմի երեկվա զոհն էլ խոսում է այն մասին, որ իրավիճակն առաջիկա օրերին ավելի է սրվելու:
Հիշեցնենք, Սարգսյան-Ալիեւ վերջին հանդիպումը մեծ դժվարությամբ կազմակերպվեց 2015-ի դեկտեմբերին, Շվեյացարիայի մայրաքաղաք Բեռնում: ԼՂ շուրջ բանակցություններն այս փուլում, ըստ էության, փակուղային են: Թուրքական կողմը շարունակում է համառ ջանքերը՝ Մինսկի խմբի ձեւաչափը փոխելու ուղղությամբ:
