Փորձագետ. Հայաստանի իշխանությունը բացարձակ անմեղսունակ է
ՀԱՍԱՐԱԿՈՒԹՅՈՒՆ
regnum.ru–ն գրում է, որ Հայաստանում իշխանության գլխին կանգնածները երկիրը տանելու են դեպի կատարյալ աղետ: Այդ մասին REGNUM-ի թղթակցին ասել է քաղաքագետ Ասլան Ռուբաևը։
«Այժմ Երևանում նստած իշխանությունը բացարձակ անմեղսունակ է: Դա հակաժողովրդավարական և հակապետական է իր ժողովրդի հանդեպ։ Ուստի Նիկոլ Փաշինյանի նկատմամբ պետք է պատժամիջոցներ կիրառել, և ամեն ինչ անել, որ Փաշինյանի ռեժիմը տապալվի։ Եթե մենք հիմա ոչ մի քայլ չձեռնարկենք Հայաստանի ներկայիս կառավարության դեմ, ապա տարեցտարի վիճակն ավելի ու ավելի է վատանալու։ Հայաստանին դա պե՞տք է։ Իհարկե պետք չէ, քանի որ կկորցնի սուբյեկտությունը և այսպես թե այնպես կկորչի։ Ռուսաստանը, այնուամենայնիվ, կփրկի նրան, բայց, ցավոք, ներկայումս ոչ բոլոր հայերն են հասկանում, որ իրենց իշխանություններն իրենց տանում են դեպի մեծ ու սարսափելի ճգնաժամ։ Դա բերելու է պետական ինքնիշխանության կորստի, քաոսի, անդունդի։ Սարսափելի է նույնիսկ պատկերացնել, թե ինչ է նրանց սպասվում։ Նրանք ամեն լավի սպասում են ճիշտ այնպես, ինչպես մենք էինք սպասում, երբ մեր երկիրը ղեկավարում էր Միխայիլ Գորբաչովը։ Եթե հայերը չհրաժարվեն Փաշինյանից, դա նրանց համար մեծ ողբերգություն կլինի, և նույնիսկ կարող է բերել հայկական պետականության ու անկախության վախճանին»,- ասել է փորձագետը։
Հիշեցնենք, որ 2018 թվականին Նիկոլ Փաշինյանը ստանձնել է Հայաստանի կառավարության ղեկավարությունը «թավշյա հեղափոխություն» կոչվող կազմակերպված զանգվածային անհնազանդության արշավից հետո։
Նյութը հրապարակման պատրաստեց Կամո Խաչիկյանը
