Դիմակային ռեժիմը Հայաստանում կվերացվի, բայց ոչ հիմա
ՀԱՍԱՐԱԿՈՒԹՅՈՒՆ
Վերջին շաբաթների ընթացքում կորոնավիրուսային իրավիճակը Հայաստանում կայունացել է։
Այս մասին այսօր ՀՀ կառավարության նիստում հայտարարեց ՀՀ վարչապետ Նիկոլ Փաշինյանը` հավելելով, որ ներկա պահին քննարկվում է դիմակային ռեժիմից հրաժարվելու հարցը։
«Այսինքն` նույնիսկ փակ տարածքներում դիմակը ոչ թե պարտադիր կլինի դնել, այլ խորհուրդ կտրվի ուղղակի կրել այն»,– ասաց Փաշինյանը։
Որոշումը կընդունվի հաջորդ շաբաթվա սկզբին, եթե մինչ այդ հիվանդացության նվազման տեմպը պահպանվի։
ՀՀ առողջապահության նախարար Անահիտ Ավանեսյանն էլ հայտնեց, որ կորոնավիրուսի «Դելտա» շտամը Հայաստանից իսպառ դուրս է մղվել «Օմիկրոնի» A և B ենթատեսակների ազդեցության ներքո։
«Հիվանդանոցների ծավալման մասով արդեն հաջորդ շաբաթվանից այս տենդենցի ազդեցության ներքո մենք կգնանք արդեն հետծավալման աշխատանքների և մահճակալների կրճատման ընթացք կսկսենք»,– ասաց նախարարը։
Նշենք, որ Հայաստանում կորոնավիրուսով վարակվածների թիվը վերջին մեկ օրում ավելացել է 946-ով, գրացվել է մահվան 24 դեպք։
