Իմունոլոգը խոսել է կրկնապատվաստման ժամանակ կրկնակի դոզայի անհրաժեշտության մասին
ՔԱՂԱՔԱԿԱՆՈՒԹՅՈՒՆ
Lenta.ru-ն գրում է, որ Մեչնիկովի անվան Պատվաստումների կանխարգելման լաբորատորիայի վարիչ Միխայիլ Կոստինովը Sputnik ռադիոկայանին տված հարցազրույցում խոսել է այն մարդկանց կատեգորիաների մասին, որոնց կրկնակի չափաբաժին է անհրաժեշտ կորոնավիրուսի դեմ կրկնապատվաստման ժամանակ։ «Կրկնապատվաստման ժամանակ երկու չափաբաժնով պատվաստում արվում է։ Դա կատարվում է առողջական խանգարումներ ունեցող մարդկանց»,- մանրամասնել է իմունոլոգը,- մասնավորապես, այդ խմբում ընդգրկված են շաքարային դիաբետով, գիրությամբ, սրտի, նյարդային համակարգի հիվանդություններով, ինչպես նաև ռեմիսիայում գտնվող քաղցկեղով հիվանդները։ Նման մարդկանց խորհուրդ է տրվում 2 պատվաստում կատարել, քանի որ մեկ դեղաչափից հետո նրանց մոտ իմունիտետ չի ձևավորվում։ Առողջ մարդկանց կրկնապատվաստման ժամանակ ևս թույլատրվում է երկու չափաբաժին ընդունել, բայց միայն բժշկի հետ խորհրդակցելուց հետո»։ «Միայն անհատական բժիշկը կարող է թույլ տալ, որ պատվաստանյութը տրվի երկու չափաբաժինով, եթե մարդը վեց ամիս առաջ արդեն ստացել է երկու դեղաչափ», - եզրափակել է Կոստինովը:
Ավելի վաղ Ռուսաստանի Դաշնային բժշկական և կենսաբանական գործակալության գլխավոր ինֆեկցիոնիստ, Պիրոգովի անվան Ռուսաստանի ազգային հետազոտական բժշկական համալսարանի վարակիչ հիվանդությունների և համաճարակաբանության ամբիոնի վարիչ Վիկտոր Նիկիֆորովը COVID-19-ի դեմ հաճախակի պատվաստումն անվանել էր խենթություն։ Մասնագետի խոսքով, պատվաստումները պետք է ավելի քիչ հաճախականացնել, քանի որ երեք ամիսը մեկ պատվաստումը ծանրաբեռնում է մարդու իմունային համակարգը։
Նյութը հրապարակման պատրաստեց Կամո Խաչիկյանը
