Որքա՞ն կարող է «գոյատեւել» օմիկրոն շտամը տարբեր մակերեսներին
ՀԱՍԱՐԱԿՈՒԹՅՈՒՆ
Վիրուսաբանության եւ կենսատեխնոլոգիայի «Վեկտոր» պետական գիտական կենտրոնի մասնագետները գնահատել են կորոնավիրուսի օմիկրոն շտամի «կենսունակությունը» տարբեր մակերեսներին։ Պարզվել է, որ վիրուսն ամենից արագ ապաակտիվանում է խեցե իրերի մակերեսներին։
Ինչպես տեղեկացնում է ՌԻԱ «Նովոստի»-ն, կենտրոնի մասնագետները փորձեր են կատարել՝ պարզելու համար մետաղների, պլաստիկի, խեցե սալերի վրա եւ հանքանյութերից զտված ջրում նույն պայմաններում (օդի 30-40 տոկոս հարաբերական խոնավություն եւ 26-28 ջերմաստիճան) վիրուսի կենսունակությունը պարզելու համար։
Պարզվել է, որ տարբեր մակերեսներին գտնվելու ժամանակ վիրուսի վարակելու կարողությունը ժամանակի ընթացքում նվազում է։ Ամենից արագ վիրուսն ապաակտիվանում է խեցե իրերի վրայից. կենսունակ վիրուսը այլեւս չի հայտնաբերվում 24 ժամ հետո։ Մնացած մակերեսներին վիրուսն ավելի երկար է «ապրում»։
Հետազոտության հեղինակները նաեւ ավելացրել են, որ վարակազերծիչ միջոցների օգտագործումը վարակից ազատվելու արդյունավետ միջոցն է մնում։
