Էրդողանը ներկայացրել է Թուրքիայի զարգացման գալիք տարվա մոդելը
ՄԻՋԱԶԳԱՅԻՆԹուրքիայի նախագահ Ռեջեփ Թայիփ Էրդողանը Ստամբուլում ASKON գործարարների ասոցիացիայի կառավարման անդամների առջեւ ելույթ ունենալիս հայտարարել է, որ գալիք տարի Թուրքիայի կառավարությունը կիրականացնի հանրապետության զարգացման նոր տնտեսական մոդելը:
Այդ մոդելը պետք է ուղղվի նախ զբաղվածության աճին ու Թուրքիայում նոր աշխատատեղերի ստեղծմանը: Դրա նպատակը կդառնա տնտեսության կայուն զարգացումը, գրում է Լուրերի անատոլիական գործակալությունը:
Էրդողանը պարզաբանել է, որ կառավարությանը հանձնարարել է գրանցել այնպիսի պայմաններ Թուրքիայի տնտեսությունում, որոնց դեպքում ե՛ւ յուրաքանչյուր գործարարը, ե՛ւ յուրաքանչյուր սովորական քաղաքացին կկարողանան պլանավորել իրենց ապագան 3 տարվա կտրվածքով:
Այդ առնչությամբ կառավարությունը գալիք տարում կառաջարկի պայքարել լիրայի փոխարժեքի իռացիոնալ փոփոխությունների դեմ, որոնք, Թուրքիայի նախագահի խոսքով, տնտեսության ու պահանջարկի դինամիկայի իրողությունների հետ աղերս չունեն, եւ ժամանակավոր են:
Էրդողանը հավաստիացրել է, որ 2022 թվականին Թուրքկայում ազգային արժույթը կունենա կայուն փոխարժեք:
«Պետական բյուջեի հետ որեւէ խնդիր չկա: Մենք ամփոփում ենք տարին՝ անգամ գերազանցելով կանխատեսումները: Կառավարության համար առաջնային հիմք է թուրքական լիրան»,-նշել է Էրդողանը:
Նա նաեւ հայտնել է գործարարներին, որ Թուրքիայի քաղաքացիները ներկայում ունեն շուրջ 5 տոննա ոսկի, եւ այդ ռեսուրսներն անհրաժեշտ է ներգրավել տնտեսությունը զարգացնելու գործում:
