Թագավորական զարդեր. Հայաստանում վերստեղծվել են հնագույն ժամանակների մատանիներ և ականջօղեր
ՀԱՍԱՐԱԿՈՒԹՅՈՒՆ
mir24.tv-ն գրում է, որ հայ ազգագրագետներն ու դիզայներները վերստեղծել են միջնադարյան թագուհիների զարդարանքները։ Սկզբում պատկերները հատիկ առ հատիկ վերստեղծել են թղթի վրա, այնուհետև թվայնացրել և փոխանցել ոսկերիչներին: Հիմա հնագույն մատանիների և ականջօղերի ժամանակակից կրկնօրինակներ կրել կարող է իրեն թույլ տալ ցանկացած կին։
Անահիտ, Աշխեն, Տիգրանուի – հայոց թագուհիների անուններով են կոչվել այդ նուրբ զարդերը։ Միջնադարում նման մատանիներ և ականջօղեր կարող էին իրենց թույլ տալ միայն տիտղոսակիր անձիք։ Ազգագրագետ Մանանա Առաքելյանը ստեղծում է պատմական գանձերի էսքիզներ։
«Հիմք ենք վերցվել Հայաստանի տարբեր շրջաններում հայտնաբերված հնագույն արծաթյա և ոսկյա զարդերը, ինչպես նաև պատմական փաստաթղթերը ու նկարները,- ասել է ազգագրագետ, հայ թագուհիների զարդերը վերստեղծելու նախագծի հեղինակ Մանանա Առաքելյանը,- օրինակ, այս զարդի բնօրինակը թվագրվում է մ.թ.ա. երկրորդ հազարամյակով: Այն գտել են երկրի արևմուտքում։ Բնօրինակը պահվում է Հայաստանի պատմական թանգարանում»։
Դիզայներները էսքիզների հիման վրա ստեղծում են զարդերի ժամանակակից կրկնօրինակները։ Նրանք պատրաստում են եռաչափ մոդելներ, և միայն դրանից հետո են ծնվում բուն զարդերը։ «Այս նախնական մոդելավորման առավելությունը 3D ձևավորումը փոփոխելու հնարավորությունն է։ Մենք համակարգչի վրա ծավալային մոդելը գնահատում ենք կետ առ կետ, որպեսզի բնօրինակի հետ նմանությունը լինի առավելագույնը։ Դա մեծ պատասխանատվություն է»,- նշել է ոսկերիչ-դիզայներ Իրինա Խանիկյանը։ Ոսկերիչների մոտ միայն ձեռքի աշխատանք է. մանր դետալներ են ստեղծում և զոդում։ Նրանք փորձում են կրկնել հին վարպետների տեխնիկան, և օգտագործում են միայն բնական քարեր՝ մալաքիտ, մարջան, փիրուզ։
Արհեստավորներն արդեն վերստեղծել են ավելի քան 500 զարդեր։ Աշխատանքների մեջ է նոր հավաքածու. այն հիմնված է վաղ միջնադարի ժողովրդի, Սյունյաց թագավորության թագավորական ոսկե զարդերի վրա։
Նյութը հրապարակման պատրաստեց Կամո Խաչիկյանը
