Պատասխանում են բժիշկները. Ի՞նչ կլինի եթե կորոնավիրուսի օմիկրոն շտամը և գրիպի վիրուսը միարժամանակ հայտնվեն մարդու օրգանիզմում
ՀԱՍԱՐԱԿՈՒԹՅՈՒՆ
tsargrad.tv-ն գրում է, որ գիտական հանրությունը հաճախ էր վախենում գրիպի և կորոնավիրուսի համակցումից, և հիմա էլ ի հայտ է եկել ևս մեկ նոր շտամ՝ «օմիկրոն»-ը։ Բժշկական սյունակագիր Մարիա Տեսչենկոն բժիշկների և վիրուսաբանների հետ քննարկել է համաճարակաբանական վտանգի խնդրի հրատապությունը և ժամանակակից իրողություններում այդ հարցի լրջությունը:
Առողջապահության աշխատակիցներն այս պահին նշում են, որ դեռևս չեն բախվել կովիդի և գրիպի վիրուսներով կրկնակի վարակման իրավիճակի։ Հարցին, թե ինչո՞ւ 2020 թվականին գրիպ չկար, բժիշկներն ասել են, որ այս վիրուսով հիվանդացությունը ցածր է եղել COVID-19-ի հետ կապված խիստ կանխարգելիչ միջոցառումների պատճառով։ Ի՞նչ կարող ենք ակնկալել այս սեզոնին: Այդ հարցին պատասխանել է թերապևտ Վարվարա Վերետյուկը, ում կարծիքով մարդիկ պետք է պաշտպանվեն գրիպից, հատկապես, որ այս վարակի դեմ պատվաստանյութը բարդություններ չունի և լավ ուսումնասիրված է։ Մեկ այլ մասնագետ ընդգծել է, որ ըստ մաթեմատիկական կանխատեսումների 2021-ից 2022 թվականներին սպասվում է գրիպանման հիվանդությունների հնարավոր աճ։ Սակայն, ըստ նրա, գրիպի ցածր հիվանդացության դեպքում իմունիտետն էլ ավելի ցածր կլինի, որից էլ պետք է ակնկալել վիրուսի նկատմամբ զգայունության բարձրացում։ Ըստ մասնագետների գրիպի վիրուսը կարելի է հայտնաբերել ճանաչելի ախտանիշներով, որոնք են բարձր ջերմությունը, հոդերի և մկանների ցավերը։ Նշվել է, որ օմիկրոնով և գրիպով միաժամանակ վարակվելու հավանականությունը բավականին մեծ է։ Երկու վիրուսներն էլ բացասաբար են ազդում շնչառական, սրտանոթային և երիկամների համակարգերի վրա։ Իսկ «օմիկրոն» գումարած ամեն ինչ կարող է առաջացնել արյան մակարդուկներ միաժամանակ ազդելով մարդու նյարդային համակարգի վրա։ Ելնելով դրանից միաժամանակյա վարակման դեպքում մարդու օրգանիզմը կբախվի լուրջ բարդությունների և կարող է հիվանդությունը ընթանալ բավականին ծանր ձևով։
Նյութը հրապարակման պատրաստեց Կամո Խաչիկյանը
