«Հաղթանակի վավերացման փորձ». Հայաստանը զգուշանում է «խաղաղություն հաստատելու» Թուրքիայի առաջարկից
ՀԱՍԱՐԱԿՈՒԹՅՈՒՆ
nsn.fm-ը գրում է, որ Հայաստանը զգուշանում է Թուրքիայից: Հայաստանի և Թուրքիայի հարաբերությունների բարելավման համար անհրաժեշտ է ապաշրջափակել հայ-ադրբեջանական խնդիրները, իսկ առայժմ ոչ թե դրանց լուծումն է խնդիրը, այլ ցանկացած միջոցով հաղթանակը վավերացնելու փորձ։ Այդ մասին Radiotochka NSN հեռագրայիչն ալիքին տված հարցազրույցում ասել է Երևանի Կովկասի ինստիտուտի տնօրեն Ալեքսանդր Իսկանդարյանը։
Ավելի վաղ Թուրքիայի արտաքին գործերի նախարար Մևլութ Չավուշօղլուն հայտարարել էր երկկողմ հարաբերությունների կարգավորման համար հատուկ բանագնացների նշանակման, ինչպես նաև Հայաստանի հետ օդային հաղորդակցության բացման մասին։ Նա ասել է, որ Երևան-Ստամբուլ չարտերային թռիչքները կվերականգնվեն։ Իսկանդարյանի խոսքով՝ «իրականում դա դեռ չի եղել»։
«Երևանի և Ստամբուլի միջև մի քանի տարի առաջ չարտերային թռիչքներ են եղել։ Եվ այսպես, ինքնաթիռները կանոնավոր թռիչքներ են կատարել չնայած այն հանգամանքին, որ Հայաստանն ու Թուրքիան չունեն դիվանագիտական հարաբերություններ։ Ուղղակի ցամաքային հաղորդակցությունը միշտ էլ անհնար է եղել»,- հիշեցրել է նա։ Իսկանդարյանը նաև պատմել է, թե Հայաստանում ինչպես են վերաբերվում Թուրքիային. «Ընդհանուր առմամբ, Թուրքիայի նկատմամբ երկրի վերաբերմունքը բավականին զգուշավոր է։ Ղարաբաղյան երկրորդ պատերազմն ավարտվել է մեկ տարի առաջ։ Թուրքիան գրեթե անմիջական մասնակցություն է ունեցել դրան Ադրբեջանին մատակարարելով տարբեր տեսակի զինատեսակներ, պլանավորելով գործողություններ և իրականացնելով հետախուզական գործունեություններ։ Եթե սկզբունքորեն հարևանների հետ հարաբերությունների կարգավորումը լավ բան է, ապա հիմա Հայաստանում դա ընկալվում է այնպես, որ Ադրբեջանն ու Թուրքիան ճնշում են գործադրում, որպեսզի իրենց պայմաններն ընդունվեն։ Եվ ոչ թե այն բանի համար, որ Հայաստանն էլ իր շահերը պաշտպանելու հնարավորություն ունենա»,- ասել է նա։ Նրա խոսքով, հիմնական խոչընդոտները «հայ-ադրբեջանական, այլ ոչ թե հայ-թուրքական հարաբերությունների մեջ են»։ Երևանի Կովկասի ինստիտուտի տնօրենը թվարկել է Հայաստանի և Ադրբեջանի միջև առկա մի շարք խնդիրներ, որոնք, ի թիվս այլ հարցերի, վերաբերում են պատերազմի և սահմանամերձ շրջանների խնդիրներին։ «Թուրքիան իր պաշտոնյաների շուրթերով անընդհատ ասում է, որ միանշանակ պաշտպանում է Ադրբեջանի դիրքորոշումը։ Քանի դեռ հիմնախնդիրների բլոկը չի բացվել, և մոտ ապագայում այն դժվար թե բացվի, զգացողությունն այնպիսին է, որ սա ոչ թե կոնսենսուս գտնելու, այլ հաղթանակն այլ միջոցներով վավերացնելու փորձ է»,- եզրափակել է Իսկանդարյանը։
Նյութը հրապարակման պատրաստեց Կամո Խաչիկյանը
