Ծանրամարտի տղամարդկանց Հայաստանի առաջնությունում չեմպիոնի կոչումը նվաճեց Գոռ Մինասյանը

Երևանի պետական օլիմպիական մարզական քոլեջում ավարտվել է ծանրամարտի տղամարդկանց Հայաստանի առաջնությունը։ Երկամարտի 435 կգ արդյունքով չեմպիոնի կոչումը նվաճեց Ռիո-2016 oլիմպիական խաղերի փոխչեմպիոն Գոռ Մինասյանը։ Տեղեկությունը Sputnik Արմենիային հայտնեցին ՀՀ ծանրամարտի ֆեդերացիայից։

Երկամարտի 430 կգ արդյունքով երկրորդ տեղը գրավել է Վարազդատ Լալայանը, իսկ երրորդ տեղում է Ռիո-2016 oլիմպիական խաղերի փոխչեմպիոն Սիմոն Մարտիրոսյանը։

Նա երկամարտում գրանցել է 415 կգ արդյունք։

Ծանրամարտի տղամարդկանց Հայաստանի առաջնությանը 10 քաշային կարգերում մասնակցեցել են 100-ից ավել ծանրորդներ։