«Ահա թե ինչ է լինում, երբ սփարինգով ես զբաղվում փոքր երեխաների հետ». Խաբիբ Նուրմագոմեդովը արձագանքել է Կոնոր Մաքգրեգորի պարտությանը

UFC մարտերի բացարձակ չեմպիոն, ռուսաստանցի Խաբիբ Նուրմագոմեդովn արձագանքել է իր նախկին մրցակից Քոնոր Մաքգրեգորի՝ անցյալ գիշեր UFC առաջնությունում կրած պարտությանը:

«Ահա թե ինչ է պատահում, երբ փոխում ես քո թիմը, թողնում ես սփարինգ գործընկերներին, որոնք քեզ չեմպիոն են դարձրել և սփարինգով ես զբաղվում փոքր երեխաների հետ՝ հեռու լինելով իրականությունից»,- գրել է Նուրմագոմեդովը իր թվիթերյան էջում:

Ինչպես ավելի վաղ հայտնել էինք, խառը մենամարտերի UFC նախկին չեմպիոն Քոնոր Մաքգրեգորը Աբու Դաբիում կայացած UFC 257 մրցաշարում պարտվել է ամերիկացի Դասթին Պորիեին: