«Հրաշալի օր Հայաստանի համար». Վահան Բիչախչյանը հաղթանակը նվիրել է հայ զինվորին

Հայաստանի ազգային հավաքականի և Սլովակիայի «Ժիլինայի» կիսապաշտպան Վահան Բիչախչյանը Ազգերի լիգայի C դիվիզիոնի երկրորդ խմբի վերջին՝ 6-րդ տուրի խաղում Հյուսիսային Մակեդոնիայի նկատմամբ հաղթանակը նվիրել է հայ զինվորին:

«Հրաշալի օր Հայաստանի համար: Բոլորիս շնորհավորում եմ այս պատմական իրադարձության համար ու հաղթանակը նվիրում եմ մեր հերոս զինվորներին, որոնք զոհողությունների գնացին մեր սուրբ հայրենիքի համար: Միշտ կհիշենք ու կպատվենք նրանց: Հզոր հայ ազգ»,- ֆեյսբուքյան էջում գրել է 21-ամյա ֆուտբոլիստը: