Կարիճը 16-ամյա աղջկա է խայթել. մանրամասներ

Այսօր ժամը 11:10-ին Վանաձորի բժշկական կենտրոն է ընդունվել 16-ամյա աղջիկ` կարիճի խայթոցով:

Անհետաձգելի բուժօգնության բաժանմունքում ցուցաբերվել է առաջին անհրաժեշտ բուժօգնություն, կազմակերպվել են համապատասխան բոլոր հետազոտությունները: Վիճակը գնահատվում է բավարար: 

Հարազատների փոխանցմամբ` դեպքը տեղի է ունեցել սեփական բնակարանում, իսկ կարիճը թաքնված է եղել սպորտային  կոշիկի մեջ:

Մեկ անգամ եւս հիշեցնում ենք, որ կարիճի խայթոցի դեպքում անմիջապես դիմել մոտակա հիվանդանոց կամ զանգահարել շտապ բուժօգնություն:

Վանաձորի բժշկական կենտրոն